Համաձայն ՀՀ կառավարության 07.12.2023թ N2146-Ա որոշմամբ հաստատված N 1,2,3 հավելվածների՝ Ապարան քաղաքի Գ. Նժդեհի 36 հասցեում պետական միջոցների հաշվին կառուցված բազմաբնակարան բնակելի շենքի բնակարանները Ապարան քաղաքի Բաղրամյան 43 և Նժդեհի 7 վթարային բնակելի շենքերի 38 ընտանիքներին նվիրելու հետևանքով ազատված Բաղրամյան 43 և Նժդեհի 7 վթարային բնակելի շենքերի տնօրինումն ապահովելու նպատակով, ղեկավարվելով Տեղական ինքնակառավարման մասին ՀՀ օրենքի 79-րդ հոդվածի 1-ին մասի 5-րդ կետի պահանջներով.

         Ապարան համայնքի ավագանին որոշում է՝

1.Ընդունել ՀՀ կառավարության 07.12.2023 թ N 2146-Ա որոշման 5-րդ մասով սահմանված՝ Բաղրամյան 43 և Գ. Նժդեհի 7 բնակելի շենքերը որպես նվիրատվություն ընդունելու և նշված շենքերի բնակարանների սեփականատերերի հետ նվիրատվությունն ընդունելու վերաբերյալ պայմանագրեր կնքելու առաջարկությունը:
2.Ընդունել ի գիտություն, որ՝
1) Բաղրամյան 43 և Նժդեհի 7 վթարային բնակելի շենքերի բնակարանների նվիրատվությունների ընդունման պայմանագրերի նոտարական վավերացման և պայմանագրերից բխող գույքային իրավունքների պետական գրանցման ծախսերը կկազմեն՝ 1.615.000 ՀՀ դրամ,որը ենթակա է իրականացման համայնքի միջոցների հաշվին:
2) նվիրատվության աշխատանքների ավարտից հետո, երկամսյա ժամկետում, համայնքի միջոցներով պետք է իրականացվի Բաղրամյան 43 և Նժդեհի 7 հասցեներում գտնվող բնակելի շենքերի քանդման աշխատանքները, այդ նպատակով համայնքի 2024թ. բյուջեում նախատեսել անհրաժեշտ միջոցներ՝ կազմվելիք նախահաշվային փաստաթղթերի հիման վրա:
3. Սույն որոշման կատարման պատասխանատվությունը դնել համայնքապետարանի աշխատակազմի քաղաքաշինության և հողաշինության բաժնի վրա՝ պետ Վ. Սուքիասյան: