|
25.04.25
ԲԱՐԻ ԳԱԼՈՒՍՏ www.aparan.am
|
|
Ողջունում եմ բոլորիդ Ապարան համայնքի պաշտոնական կայքէջ այցելելու համար:
Սա մի հարթակ է, որտեղ դուք կգտնեք ցանկացած տեղեկատվություն Ապարան համայնքի, նրա կառուցվածքի և ծավալած գործունեության մասին: Կայքում տեղադրված են իրականացված բոլոր աշխատանքները, ծրագրերը, նախագծերը, որոշումները և ապահոված են կատարված բոլոր աշխատանքների թափանցիկությունն ու հրապարակայնությունը:
Պաշտոնական կայքէջը լավագույնս է ներկայացնում ամենականաչ, ամենամիասնական և ամենաժողովրդավար համայնքը, որն ընթանում է զարգացման և առաջընթացի հաստատուն ուղիով: Համայնքի ղեկավար՝ Կարեն Եղիազարյան
|
|
|
23.04.25
ՈՒՇԱԴՐՈՒԹՅՈՒՆ
|
|
Ապարան համայնքի հարգելի բնակիչներ, Տեղեկացնում ենք, որ ապրիլի 24-ին՝ Մեծ Եղեռնի զոհերի հիշատակի երթը կկայանա 11:00-ին Ապարանի Վերածնունդ հուշահամալիրի մուտքի հրապարակից։ 12:30-ին Ապարանի արվեստի դպրոցում կկայանա միջոցառում` նվիրված Հայոց ցեղասպանության 110-ամյակին:
|
|
|
18.04.25
ԱՊՐԻԼԻ 18-Ը ՀՈՒՇԱՐՁԱՆՆԵՐԻ ԵՎ ՏԵՍԱՐԺԱՆ ՎԱՅՐԵՐԻ ՄԻՋԱԶԳԱՅԻՆ ՕՐ
|
|
Այսօր՝ ապրիլի 18-ին, աշխարհը նշում է Հուշարձանների և տեսարժան վայրերի միջազգային օրը։
Ապարան համայնքը դարերի խորքից մեզ է փոխանցել մի հարուստ ժառանգություն՝ քարեղեն հիշողություններ, անցյալի արձագանքներ, որոնցում ապրում է մեր ինքնությունը։ Այս հուշարձաններն ու տեսարժան վայրերը ոչ միայն վկայում են մեր ժողովրդի անցած ճանապարհի մասին, այլ նաև ոգեշնչում են ներկան ու ապագան։
Այսօր մենք հարգանքի տուրք ենք մատուցում այդ ժառանգությանը և նորից կարևորում՝պահպանել, ճանաչել և սիրով վերաբերվել մեր մշակութային հարստությանը։
|
|
|
15.04.25
ԱՅՍՕՐ ՄՇԱԿՈՒՅԹԻ ՄԻՋԱԶԳԱՅԻՆ ՕՐՆ Է
|
|
Ապրիլի 15-ը՝ Մշակույթի միջազգային օրը, իսկապես բացառիկ առիթ է՝ արժևորելու Ապարան համայնքի մշակութային հարուստ ժառանգությունը: Մեր համայնքը դարերի ընթացքում ձևավորել է յուրահատուկ մշակութային ինքնություն, որն այսօր հպարտորեն կրում և զարգացնում ենք:Ապարանի մշակույթի կենտրոնը զարկերակն է մշակութային կյանքի: Այստեղ մշտապես կազմակերպվում են համերգներ, թատերական ներկայացումներ և ցուցահանդեսներ, որոնք միավորում են տարբեր սերունդների: Հատկապես ուրախալի է տեսնել, թե ինչպես են երիտասարդները ներգրավվում մշակութային կյանքում:Ապարան համայնքում գործում են արվեստի դպրոցներ , որոնք անգնահատելի ներդրում ունեն համայնքի զարգացման գործում: Երիտասարդները սովորում են նվագել, երգել , նկարել , ասեղնագործել ` միաժամանակ ...
Մանրամասն |
|
|
10.04.25
ՀԱՆՐԱՅԻՆ ԼՍՈՒՄՆԵՐԻ ՀՐԱՎԵՐ
|
|
2025 թվականի ապրիլի 14-ին, ժամը 12:00-ին Հարթավանի վարչական շենքում տեղի կունենա հանրային լսում՝ ջրամբարը որպես ջրային օբյեկտ վարձակալության տրամադրելու վերաբերյալ:
Հանրային լսման ընթացքում կքննարկվեն վարձակալության պայմանները, բնակիչների կարծիքներն ու առաջարկները:
|
|
|
09.04.25
ՀԱՅՏՆԻ ԴԱՇՆԱԿԱՀԱՐ ՇԱՀԱՆ ԱՐԾՐՈՒՆՈՒ ՀԱՄԵՐԳԸ
|
Ուրախությամբ տեղեկացնում ենք, որ ամերիկահայ անվանի դաշնակահար Շահան Արծրունին մայիսի 31-ին, ժամը 16:00-ին Ապարանի արվեստի դպրոցում հանդես կգա համերգային ծրագրով: «Երաժշտության հմայքը» խորագրով համերգի ընթացքում հնչելու են Կոմիտասի, Արամ Խաչատրյանի և Առնո Բաբաջանյանի հայտնի ստեղծագործությունները: Ծրագիրը համալրված է նաև հայ կին կոմպոզիտորների և Ֆրեդերիկ Շոպենի ստեղծագործություններով: Մուտքը ազատ է: Սիրով հրավիրում ենք բոլորիդ: |
|
|
09.04.25
ԳԱՐՆԱՆԱՅԻՆ ԲԱՐԵԿԱՐԳՄԱՆ ԱՇԽԱՏԱՆՔՆԵՐ ՁՈՐԱԳԼՈՒԽ ԲՆԱԿԱՎԱՅՐՈՒՄ
|
|
Ապարան համայնքի բնակավայրերում շարունակվում են մաքրման և բարեկարգման աշխատանքները։
Ձորագլուխ գյուղում ՏԻՄ-ի ներկայացուցիչները, համայնքի բնակիչները և կամավորները համատեղ ուժերով կատարում են տարածքի մաքրման և բարեկարգման աշխատանքներ։
Նպատակն է ապահովել մաքուր և բարեկարգ միջավայր՝ ստեղծելով ավելի հարմարավետ ու գեղեցիկ բնակավայր բոլորի համար։
Շարունակում ենք միասին նպաստել մեր համայնքի բարելավմանը։
Միացե՛ք մաքուր ու խնամված ՀԱՄԱՅՆՔ ունենալու նախաձեռնությանը։
|
|
|
08.04.25
ՄԵՏԱՂԱԿԱՆ ՋԱՐԴՈՆՆԵՐԻ ՀԱՎԱՔՈՒՄ ԵՎ ՏԵՂԱՓՈԽՈՒՄ ՄԵԼԻՔԳՅՈՒՂ ԲՆԱԿԱՎԱՅՐՈՒՄ
|
Մելիքգյուղ վարչական տարածքում իրականացվում են մետաղական ջարդոնների և այլ թափոնների հավաքման և տեղափոխման աշխատանքներ: Նախաձեռնության նպատակն է բարելավել Ապարան համայնքի բնակավայրերի արտաքին տեսքը և նվազեցնել շրջակա միջավայրի աղտոտվածությունը: Ճիշտ կազմակերպված այս գործընթացը մեծ նշանակություն ունի ինչպես բնապահպանական, այնպես էլ համայնքային զարգացման տեսանկյունից։ |
|
| 1 2 3 4 5 6 7 8 9 10 ... |