Ղեկավարվելով ,,Գնումների մասինՙՙ ՀՀ օրենքի 23-րդ հոդվածի 1-ին մասի 2-րդ կետի պահանջներով, ՀՀ կառավարության 10.10.2019 թ N 1422-Ն որոշման 1-ին մաի 6-րդ կետին համապատասխան, հաշվի առնելով չնախատեսված այլ իրավիճակը,  ելնելով գնման այլ ձևերի կիրառման ժամկետի սղությունից ու անհնարինությունից, ինչպես նաև գնվող ապրանքների բազմազանության հանգամանքից.

         Ապարան համայնքի ավագանին որոշում է.

1.Ապարան համայնքի բյուջեի մարզամշակութային միջոցառումների կազմակերպման և անցկացման համար նախատեսված ընդհանուր ծախսերից մինչև 7,0 միլիոն ՀՀ դրամ հատկացնել Հայաստանի Առաջին Հանրապետության հռչակման, Ապարանի հերոսամարտի 105-ամյակին և Ապարան քաղաքի օրվան նվիրված տոնակատարության նախապատրաստման և անցկացման նպատակին՝ համայնքապետարանի աշխատակազմի կրթության, մշակույթի, սպորտի, առողջապահության, երիտասարդության և սոցիալական աջակցության բաժնի կողմից ներկայացված նախահաշվին համապատասխան:
2.Թույլատրել համայնքի ղեկավարին՝ անհրաժեշտությունից և իրավիճակային հանգամանքներից ելնելով, տոնակատարությունը պատշաճորեն կազմակերպելու և անցկացնելու համար անհրաժեշտ բազմատեսակ ապրանքները ձեռք բերել մեկ անձից գնում կատարելու սկզբունքով:
3. Սույն որոշման կատարման պատասխանատվությունը դնել համայնքի ղեկավարի տեղակալ Հ. Մկրտչյանի վրա: